ГАДААД ПАСПОРТ ШИНЭЭР ЗАХИАЛАХ

---

Швейцарын Холбооны Улсад байнга оршин суугаа Монгол Улсын иргэний гадаад паспортын хугацаа дуусах, ямар нэг шалтгаанаар алдаж vрэгдvvлэх, гэмтээсэн тохиолдолд Е серийн буюу үндэсний энгийн гадаад паспорт шинээр захиалан авах боломжтой.

Гадаад паспорт шинээр захиалан авахад бүрдүүлэх бичиг баримт:

- Гадаад паспорт шинээр авах мэдүүлэг татан авч, үнэн зөв, бүрэн гүйцэд бөглөх (мэдүүлэг татан авах),

- Гадаад паспорт шинээр авах өргөдөл татан авч, үнэн зөв, бүрэн гүйцэд бөглөх (өргөдөл татан авах),

- Паспортаа алдаж үрэгдүүлсэн тохиолдолд цагдаагийн байгууллагын бичиг,

- 16-аас дээш насны иргэдийн хувьд иргэний цахим үнэмлэхний хуулбар, 16 нас хүрээгүй хүүхдүүдийн хувьд төрсний гэрчилгээ, эцэг, эхийн гадаад паспорт, эсхүл иргэний цахим үнэмлэх,

- Захиалгын материалаа өгөхдөө ЭСЯ дээр өөрийн биеэр ирж цээж зургаа авхуулах эсхүл монголд байгаа итгэмжлэгч хүндээ зургаа файл хэлбэрээр явуулах,

- Үйлчилгээний хураамж төлсөн баримт (үйлчилгээний хураамж цэснээс харна уу)

Анхаарах зүйлс:

- ЭСЯ гадаад паспортыг шууд олгодоггүй бөгөөд хүсэлт гаргагчаас ирүүлсэн материалыг баталгаат шуудангаар Улсын бүртгэлийн ерөнхий газарт хүргүүлдэг. Хүсэлт гаргасан иргэнд гадаад паспорт олгох эсэх асуудлыг Улсын бүртгэлийн ерөнхий газар материал хүлээн авсан өдрөөс хойш 30 хоногийн дотор шийдвэрлэдэг бөгөөд олгох тохиолдолд паспортын бичилтийг хийж, баталгаат шуудангаар ЭСЯ-д ирүүлдэг. Энэ процедурын ажлаас шалтгаалж шинээр паспорт авахад дунджаар 3 хүртэлх сарын хугацаа шаардагддаг болно.

- Гадаад паспорт шинээр болон дахин авч буй иргэд заавал Иргэний шинэчилсэн бүртгэлд бүртгүүлсэн байх ёстой.

- Хуучин паспорт алга болсон тохиолдолд шинэ паспорт дээр Швейцарийн Холбооны Улс-ын виз шилжин тавигдахгүй бөгөөд паспорт өөрчлөгдсөнтэй холбогдон визийн ямар нэг зөрчил байсан бол тухайн зөрчил хэвээр үлддэг болохыг анхаарах нь зүйтэй. Алдагдсан болон гэмтсэн паспорт олон улсад хүчингүй болж зарлагдах тул дахин ашиглах боломжгүй.

- Гадаад паспорт шинээр авах мэдүүлгийг буруу, эсхүл дутуу бөглөсөн байдаг. Үүнээс шалтгаалан иргэд шинэ паспорт захиалж паспортоо удаан хугацаагаар хүлээх тохиолдол гардаг. Монгол Улсын иргэний үнэмлэх аваагүй хүмүүсийн хувьд өөрсдийн ургийн овгоо /Боржигон, Тайж, Хөх морьт зэрэг/ мэдэхгүй тохиолдол гарч байна. Энэ тохиолдолд паспорт мэдүүлж буй иргэн өөрийн эцгийн овгийг авч явдаг гэдгийг анхаарах хэрэгтэй.