www.MEDLE.mn ЦАХИМ СУРГУУЛЬ ПЛАТФОРМЫН ТУХАЙ

Монгол Улсын Засгийн газрын 2025 оны “Ерөнхий боловсролын цахим сургууль байгуулах тухай” 130 дугаар тогтоолоор дээрх хуулийн заалтыг хэрэгжүүлэх, боловсрол эзэмших боломжгүй нөхцөлд байгаа иргэн бүрд боловсрол эзэмшүүлэх зорилгоор бие даасан, төрийн өмчийн ерөнхий боловсролын “Мэдлэ” цахим сургуулийг байгуулж, 2026–2027 оны хичээлийн жилд үйл ажиллагаагаа эхлүүлээд байна. Тус цахим сургуульд багш, сурагчид бүртгүүлэн нэвтэрч, дараах боловсролын контентуудыг ашиглах боломжтой. Үүнд:

• Цахим сурах бичиг: 1–12 дугаар ангийн сурах бичгүүд цахим хэлбэрээр байршсан;

• Цахим хичээлүүд: 20,000 гаруй хичээлийн контент болон 20 гаруй тусгай сургалт;

• Нэмэлт цэс: Мэдлэг бататгах дасгал ажил, сурагч болон багшийн хөгжлийг дэмжих тусгай булангуудтай.