ЖЕНЕВ ХОТНОО "ЦАГААН САР-2025" ҮНДЭСНИЙ БӨХИЙН БАРИЛДААН АМЖИЛТТАЙ БОЛЛОО
Швейцарын Холбооны Улсын Женев хотноо Монголын Үндэсний бөхийн холбоо, МҮБХ-ны Европ дахь салбар холбоо болон ШХУ дахь Монгол Үндэсний бөхийн холбоо, Европ дахь Монгол бөхийн нэгдсэн холбоодоос энэ сарын 15, 22, 23 ны өдрүүдэд зохион байгуулсан үндэсний бөхийн барилдаанууд амжилттай болж өндөрлөв.
Монголын уламжлалт сар шинийн баярыг тохиолдуулан бөхийн холбоод, нийгэмлэгээс дараалан зохион байгуулсан тус арга хэмжээнүүдэд Монгол Улсаас Швейцарын Холбооны Улсад суугаа Элчин сайдын яам дэмжлэг үзүүлж хамтран зохион байгууллаа. Үндэсний бөхийн барилдааныг БТГ/ЭСЯ-ны орлогч П.Баасанхүү нээж, мэндчилгээ дэвшүүллээ.
“Цагаан сар-2025” үндэсний бөхийн барилдаанд Швейцар, Франц, Герман, Чех, Итали, Бельги, Нидерланд, Австри, Польш, Унгар, Швед зэрэг улсаас ирж оролцсон бөхчүүд эр бяр, хурд хүчээ сорьж өрсөлдөв.
Та бүхэндээ сар шинийн мэнд хүргэж, ирж буй “Модон Ногоон” хэмээх Могой жилдээ элгээрээ энх амгалан, төрлөөрөө төвшин амгалан, заяа буян тэгш, хийморь өөдөө байхын өлзийтэй сайхан ерөөлийг өргөн дэвшүүлье. Сар шинэдээ сайхан шинэлээрэй.