МОНГОЛ, ШВЕЙЦАРЫН ДИПЛОМАТ ХАРИЛЦААНЫ 60 ЖИЛИЙН ОЙН НЭРЭМЖИТ ХӨЛБӨМБӨГИЙН НӨХӨРСӨГ ТОГЛОЛТ БОЛЛОО
Женев хотноо 2024 оны 11 дүгээр сарын 17-ны өдөр Швейцар дахь Монгол хүүхдүүд, Швейцарын "FC Versoix” клубын өсвөрийн болон идэрчүүдийн багийн хоорондох хөлбөмбөгийн нөхөрсөг тоглолт боллоо.
Тэмцээнд Монгол, Швейцарын 4 багийн 60 орчим тамирчин хурд хүч, авхаалж самбаагаа сорин өрсөлдөж
- Монгол хүүхдийн өсвөрийн баг "FC Versoix” клубын өсвөрийн багийг,
- "FC Versoix” клубын идэрчүүдийн баг Монгол хүүхдийн идэрчүүдийн багийг хожлоо.
Тус хөлбөмбөгийн тоглолтыг "GM-STAR” спорт клуб, Женев хотын "FC Versoix” клуб, Монгол Улсаас Швейцарын Холбооны Улсад суугаа Элчин сайдын яам, Монголын Хөлбөмбөгийн Холбоотой хамтран зохион байгууллаа.
Элчин сайдын яамны зүгээс спортын холбоод, хамт олонд талархал илэрхийлж, тэмцээнд оролцсон нийт баг тамирчид, хүрэлцэн ирсэн хөгжөөн дэмжигчдэд баяр хүргэж, спортын өндөр амжилт хүслээ.