“NOMADIC HUB” ТӨСЛИЙН БАГ ЖЕНЕВ ХОТНОО АЖИЛЛАВ

Монголын уламжлалт мал аж ахуйг шинжлэх, ухаан технологийн дэвшилтэй уялдуулан хөгжлийн шинэ түвшинд гаргах, малчдын амжиргааг дээшлүүлэх зорилго бүхий “Nomadic Hub” төслийн баг энэ 3 дугаар сарын 14-ний өдөр Женев хотноо ажиллав.

Төлөөлөгчид Олон улсын худалдааны төвд зочилж энэ оны 6 дугаар сарын 26-29-ний өдрүүдэд Улаанбаатар хотноо болох Дэлхийн экспортыг дэмжих чуулга уулзалтын талаар холбогдох албан тушаалтнуудаас ярилцлага авав.

НҮБ-ын Женев дэх төв болон олон улсын бусад байгууллагын дэргэд суугаа Элчин сайд, Байнгын төлөөлөгч Д.Гэрэлмаа төслийн багийг хүлээн авч уулзан, төслийн үйл ажиллагаанд амжилт хүсэв.